Қарағанды облысында патрульдік көліктердің муляждары орнатылды, – деп хабарлайды Polisia.kz.
Осакаровка кентінде «Қауіпсіз жол» жедел алдын алу іс-шарасын өткізу кезеңінде эксперимент ретінде патрульдік көліктердің муляждары орнатылды.
Жобаны аудан орталығында Осакаров ауданының полиция бөлімі жүзеге асырады, олар кентішілік, облыстық және республикалық автожолдарда көк-қызыл «мигалкалармен» муляждарды орналастырды.
Алғашқы «кезекшілікке түсті» бес макет Осакаровка кентіне кіре берісте, Осакаровка-Нұра жолдарының қиылысында, Сельхознабская (Республикалық маңызы бар автожол) көшесінде, Достық-Қарағанды-Байғабылов көшелерінің қиылысында және Достық көшесі № 9 гимназияда (облыстық маңызы бар жол) орнатылды.
– Алдын алудың бұл әдісі ауданда Жол қозғалысы қауіпсіздігін арттыруға бағытталған басқа да іс-шаралармен бірге қолданылады. Жүргізушілердің көз алдында «кезекші экипаждар» жылдамдық режимін сақтауға, жаяу жүргіншілерге артықшылық беруді талап етуге және жол қозғалысының басқа да ережелеріне ықпал ететін болады. Барлық макеттер ЖКО жиі болатын жерлерде орнатылған, – деп хабарлады аудандық полиция бөлімі.
Айта кету керек, автомобиль фигурасы нақты прототипке толық сәйкес келеді. Макетке қажетті тану элементтері, экипаждың аумақтық тиістілігі туралы жазу жазылған.
