Қарағандыда есірткі сатушы 10 жылға сотталуы мүмкін, – деп хабарлайды Polisia.kz.
11 мамырда Қарағанды қаласында жедел-іздестіру іс-шараларын жүргізу кезінде, облыстық ПД есірткі қылмыстарымен күрес басқармасының қызметкерлері ірі көлемде есірткі сатпақ болған адамды ұстады. Республиканың оңтүстік облыстарының бірінің 36 жастағы тұрғыны ұсталды.
– Тінту кезінде жол сөмкесінен есірткі заты табылды. Сарапшылар қорытындысы бойынша сөмкеде болған салмағы жеті келі «гашиш». Күдікті есірткіні сату үшін Қарағандыға алып келген, – деді Қарағанды облысының ПД бастығы Ерлан Файзуллин.
Аталған факт бойынша ұсталған азаматқа қатысты ҚР Қылмыстық кодексінің 296-бабының 4-бөлігі бойынша сотқа дейінгі тергеу басталды. Күдікті 10 жылға дейін бас бостандығынан айырылуы мүмкін. Қазіргі уақытта тергеу амалдары жүргізіліп жатыр.
