Қарағанды облысының Саран қаласында пәтер ұрысы ұсталды, – деп хабарлайды Polisia.kz.
3 ақпанда Қарағанды облысының Саран қаласының полиция бөліміне 35 жастағы қала тұрғыны жүгінді. Ол белгісіз біреудің пәтерінің ашық тұрған терезесі арқылы үйіне кіріп, ноутбук пен ұялы телефонын ұрлап кеткенін айтты. Келтірілген шығын көлемі 330 мың теңгені құрайды.
Бұл факт бойынша Қазақстан Республикасы Қылмыстық кодексінің 188-бабымен (Ұрлық) қылмыстық іс қозғалды.
8 ақпанда жедел-іздестіру іс-шаралары барысында криминалдық полиция қызметкерлері осы қылмысты жасауға күдікті ретінде Қарағанды қаласының 31 жастағы тұрғынын анықтап, ұстады. Ол кінәсін мойындап, айғақ заттар алынды. Қазір тергеу амалдары жүргізіліп жатыр.
Полиция күдіктінің осыған ұқсас басқа да ашылмаған қылмыстарға қатысы бар-жоғын анықтауда.
