Қарағандыда ұялы телефондарды ұрлаумен айналысқан күдікті қолға түсті, – деп хабарлайды Polisia.kz.
4 қарашада Қарағанды қаласының ПБ Орталық полиция бөліміне бір фирманың 42 жастағы менеджерінен арыз түсті. Жәбірленуші кеңседен белгісіз біреудің ұялы телефонын ұрлап кеткенін айтқан. Келтірілген шығын көлемі 50 мың теңгені құрады.
Криминалдық полицейлер күдікті 27 жастағы жігітті анықтап, ұстады. Ол қылмысын мойындады. Айғақты зат тәркіленді. ҚР Қылмыстық кодексінің 188-бабы (Ұрлық) бойынша қылмыстық іс қозғалды.
Полицейлер сотқа дейінгі тергеу барысында күдіктінің тағы екі ұялы телефон ұрлығына қатысы барын анықтады. Сонымен қатар күдікті көліктен аккумуляторды ұрлағанын да мойындады. Бұл жағдайда келтірілген шығын көлемі 25 мың теңгені құраған.
