Қарағандыда жаңадан танысқан қонақ зейнеткердің телефонын тартып алды, – деп хабарлайды Polisia.kz.
23 маусымда Қарағанды қаласының ПБ Теміржол полиция бөліміне қаланың 56 жастағы тұрғынынан арыз түседі. Анықталғандай, зейнеткер көшеде өзіне сенім білдірген бейтаныс адаммен танысады. Жаңа танысушы кездесуді атап өтуге ұсыныс жасаса керек, ер адам оны өз үйіне қонақ болуға шақырады. Бөтен үйде бола салысымен, келген қонақ өзін ашулы ұстайды. Бұл пәтер иесіне біреу ұялы телефонға қоңырау шалған кезде байқалады. Зейнеткер сөйлесіп болған соң, телефонын қасына қоя салды. Қонақ кенеттен құрылғыны ұстап алып, пәтерден қашып кетті. Жәбірленуші келтірілген шығын сомасын 40 мың теңгеге бағалады.
Жәбірленуші полицияны шақыру үшін көршілерінен көмек сұрады. Оқиға орнына бірер минуттардан соң жедел – тергеу тобының қызметкерлері келіп жетті. Зейнеткердің сөзімен күдіктінің фотороботы жасалды, ол шамамен 30-35 жастағы ер адам болды. Жеке тұлға полиция үшін танымал болды, бұл 32 жастағы қала тұрғыны бұрын ауыр қылмыс жасағаны үшін қылмыстық жауапкершілікке тартылған. Оның байланыс ортасын білген соң, қаскөйдің жүретін жерлеріне торуыл қойды. Соңғыны өзінің тұрғылықты жеріндегі жер үйдің маңынан байқады.
Күдіктіні полицейлер ұстады және полиция бөліміне жеткізді. Жәбірленуші жаңа «қонағын» бірден таныды. Заттай дәлелдемелер – ұялы телефон алынды.
ҚР ҚК 191-бабы (Тонау) бойынша қылмыстық іс қозғалды. Тергеу жүргізілуде.
