Қарағандыда жеке үйден металл ұрлаған бір топ адам ұсталды, – деп хабарлайды Polisia.kz.
22 желтоқсанда Қарағанды қаласының ПБ патрульдік полиция полкінің қызметкерлері, қала аудандарының бірінде жүк көлігіне бірдеңе тиеп жатқан адамдарды байқаған. Тәртіп сақшыларын көрген әлгі адамдар көлікпен қашпақ болған. Полицейлер дереу әрекет етіп, 49 жастағы ер адам басқарған көлікті ұстады. Сондай-ақ көліктің кабинасында 32 және 33 жастағы екі ер адам болған.
Ұсталғандар металл тақтайшаларды ұрламақ болғанын мойындады. 35 жастағы жәбірленуші келтірілген шығын көлемін 200 мың теңгеге бағалады.
ҚР Қылмыстық кодексінің 24-188-бабы (Ұрлыққа оқталу) бойынша қылмыстық іс қозғалды. Қазіргі уақыта тергеу амалдары жүргізілуде.
