Қарағанды облысының әкімі Ж.М. Касымбектің тапсырысымен Түркістан облысына шыққан Қарағанды облысының ТЖД құтқару тобы, Мақтарал ауданында авариялық-құтқару жұмыстарын жүргізуді жалғастырып жатыр, - деп хабарлайды Polisia.kz.
Құтқарушылар тәулік бойы екі ауысыммен жұмыс істейді.
Фирдоуси және Жеңіс ауылдарында құтқарушылар суды сорып алу және бұру жұмыстарын жүргізіп келеді. Төрт күн ішінде олар 15 үй маңындағы аумақтан 110 000 текше метрден астам су сорып алды.
Естеріңізге сала кетейік, 9 мамырға қараған түні қарағандылық құтқарушылар Түркістан облысына авариялық-құтқару және кезек күттірмейтін жұмыстарды жүргізуге көмек көрсету үшін келді. Бірден таңертең Мақтаарал ауданының Фирдоуси ауылында су соруға кірісті.
