“Қауіпсіз жол” іс-шарасы барысында Қызылорда жолдарында 67 құқық бұзушылық анықталды, – деп хабарлайды Polisia.kz.
Жол қозғалысы қауіпсіздігін қамтамасыз ету, сондай-ақ жол-көлік оқиғаларын алдын алу және жол қозғалысы ережелерін өрескел бұзушылықтың жолын кесу мақсатында, ағымдағы жылдың 9-18 шілде аралығында «Қауіпсіз жол» жедел-профилактикалық іс-шарасы өткізілуде.
Іс-шараның бірінші күнінде барлығы 67 әкімшілік құқық бұзушылықтар анықталды, оның ішінде көлік құралын масаң күйінде басқарудың екі дерегі, жолдың қарама-қарсы бағытқа шығудың бір дерегі, жаяу жүргіншілерге жол бермеудің 12 дерегі тіркелді. Бұл бағытта жұмыстар жалғасуда.
