Павлодар облысында ҚАЖ қызметкерлері жалғыз басты әкеге көмектесті, – деп хабарлайды Polisia.kz.
Дәулет қырық жаста. Бес жыл бұрын әйелі оны екі ұлымен тастап кетті.
– Ол кезде кенже балам бір жыл төрт айлық болса, үлкені бес жаста еді. Жалпы бізде келіспеушілік болған жоқ, мен ішпеймін, темекі шекпеймін, жұмыс істеймін. Біз басқалар сияқты өмір сүрдік – пәтер жалдадық, балаларды өсірдік. Бір күні ол заттарын жинап, кетіп қалды. Сол кезде біз қала шетінде тұрдық, кенжемізбен қиын болды, өйткені ол өте кішкентай, мен әрқашан жинау мен жууды білдім. Қалаға көшуді жөн көрдім, себебі жұмыс бар, пәтерде балаларға жағдай жасалған, мектеп жақын жерде, – дейді Дәулет.
Балалары есейді, Дәулет жүк тиеуші болып жарты күн жұмыс істейді, балалар тәрбиесімен айналысады. Екі ұлы да мектепке барады, театр өнер үйірмесіне, таэквондоға барады. Сонымен қатар, Дәулет үлкен ұлын сөйлеу дамуының кешігуін емдейтін мамандарға апарады.
– Біздің күніміздің әр минуты жазылған. Мен бәрін үлгеруге тырысамын – жаттығулар, оқу, сабақтар. Біз ерте тұрамыз, жұмыс істеуге уақытым бар. Мен алимент сұрадым, бірақ мен үшін бұл тақырып жабық, өйткені мен ер адаммын және ешкімнен ештеңе сұрамаймын. Бұрынғы әйелім алимент төлемейді, бірақ мен бәрін өзім шешуге тырысамын. Егер көмек ұсынылса, мен бас тартпаймын, өйткені табысым төмен. Бірақ мен ұлдарымды ештеңеден айырмауға тырысамын. Бір ғана тілегім, анасыз болса да лайықты ер азамат болып өссе екен. Олар енді анасын есіне түсірмейді, – дейді Дәулет.
Кейде бұрынғы әйелі телефон соғады, бірақ Дәулет тұрақты жұмыста болуына байланысты қолы бос емес, онымен сөйлесе алмайды. Бұрынғы әйелінде қазір басқа отбасы, кішкентай баласы бар.
АП-162/4 мекемесінің қызметкерлері балаларды жаңа піскен көкөністермен қуантуды ұйғарып, жылыжайда жұмыс істейтін сотталғандарға жүгінді.
– Жылыжайдан қияр, қызанақ, көкөніс, шалғам алдық. Сотталғандар асханаға қажетті көкөністерді өсірумен айналысады. Бұларды балаларға апарып береміз дегенде, сотталғандар бір қорап көкөніс дайындады. Биылғы жылды Елбасымыз Балалар жылы деп жариялады. Балалар бақытты болып өсе берсін, – деді мекеме бастығы Ербол Шарипов.
Көкөністерді Дәулеттің үйіне әкелді. Мекеме ұжымы бұл отбасына сонан соң тағы да баруға уәде берді.
