Атырауда «Қорғау – Қауіпті жүргізуші» бағдарламасы арқылы бір тәулікте 190-ға жуық құқық бұзушылық анықталды, – деп хабарлайды Polisia.kz
26 тамыз күні патрульдік полиция қызметкерлері мен Жедел басқару орталығының бейнебақылау камерасы қызметкерлері «Қорғау – Қауіпті жүргізуші» бағдарламасы арқылы қала аумағында рейдтік іс-шара өткізді.
Арнайы бағдарлама арқылы айыппұл төлеуден жалтарған, сақтандыру полюсі жоқ автокөліктер анықталып, әкімшілік жауапқа тартылды.
– Бір тәулік ішінде «Қорғау – Қауіпті жүргізуші» бағдарламасы арқылы 50 автокөлік анықталып отыр. Бұл аталған автокөліктер 190-ға жуық құқық бұзушылық жасап, 2 млн теңге көлемінде айыппұл төлеуден жалтарыпа жүргендер және де бұған қоса бір тәулік ішінде жалған нөмір таққан 2 автокөлік белгілі болды. Барлық анықталған автокөліктер арнаулы тұраққа қойылды. Қазіргі уақытта Армения, Ресей елдерінде тіркелген автокөліктерге қатысты сақтандыру полюсін алмай жүрген азаматтарға қатысты жұмыс жандандырылып, қатаң бақылауда, – дейді Атырау облысы Полиция департаменті Жергілікті полиция қызметі басқармасының бастығы Ерлан Бигамбаев.
Іс-шара кезінде сақтандыру полюсін алмаған 30 автокөлік анықталып, оларға қатысты ҚР ӘҚБтК-нің 230-бабына сәйкес әкімшілік хаттама толтырылды.
