Қостанай облысында “Дәрмек” жедел алдын алу шарасының нәтижесі жарияланды, – деп хабарлайды Polisia.kz.
Қостанай облысында ағымдағы жылдың 6-12 қыркүйек аралығында өткен “Дәрмек” республикалық жедел алдын алу шарасының үшінші кезеңі аяқталды.
ААШ кезеңінде медициналық мекемелерде есірткі заттарының заңды айналымы саласындағы құқық бұзушылықтарды анықтау бойынша, сондай-ақ есірткі заттарының заңсыз айналымына байланысты басқа да қылмыстық іс-әрекет түрлерін анықтау және жолын кесу бойынша мақсатты жұмыстар жүргізілді.
ААШ барысында полиция қызметкерлері 13 емдеу-профилактикалық мекемесін, тоғыз дәріхана мен бір өндірістік кәсіпорынды тексерді. Сондай-ақ тәртіп сақшылары ҚР ҚК 303-бабы бойынша (Есірткі, психотроптық заттармен жұмыс істеу ережелерін бұзу) үш фактіні, ҚР ҚК 5-бөлімі 322-бабы бойынша (Есірткі құралдарын, психотроптық заттарды алуға құқық беретін рецепттерді заңсыз беру немесе қолдан жасау) бір фактіні анықтады.
Сонымен қатар, сегіз адамға қатысты әкімшілік хаттамалар, атап айтқанда ҚР ӘҚтК 426-бабы бойынша (Фармацевтикалық қызмет және дәрілік заттардың айналымы саласындағы ережелерді бұзу) үш хаттама жасалды, тағы үш хаттама ҚР ӘҚтК 427-бабы бойынша (Есірткі заттарының айналымы саласындағы объектілер мен үй – жайларды техникалық нығайту талаптарын бұзу) және ҚР ӘҚтК 82-бабы бойынша екі хаттама (Медицина қызметкерімен Қазақстан Республикасының заңнамасында белгіленген дәрі-дәрмектерді сату ережелері мен рецепттерді жазу талаптарының бұзылуы).
Сондай-ақ іс-шараны өткізу кезінде есірткіге қатысты тоғыз құқық бұзушылық анықталды: ҚР ҚК 297-бабы бойынша есірткі заттарын сатудың төрт фактісі, ҚР ҚК 2-бөлімі 296-бабы бойынша есірткі қылмысының төрт фактісі, Қостанай қаласында адамдар ұсталды және ҚР ҚК 286-бабы бойынша бір факті (Есірткі заттарының контрабандасы).
Мысалы, “Қайрақ” шекара бекетінен өту кезінде DAF маркалы ауыр салмақты автокөлігінің дәрі қобдишасынан ерекше иісі бар жасыл түсті өсімдік заты табылды. Бұл факт бойынша 35 жастағы жүргізушіге қатысты “келу туралы міндеттеме” түріндегі процессуалдық мәжбүрлеу шарасы таңдалды. Биыл заңсыз айналымнан 102 келіден астам түрлі есірткі есірткі заттары.
