Қызылорда облысы полиция департаменті бастығының жұмыс сапары жалғасып жатыр, – деп хабарлайды Polisia.kz.
Қызылорда облысы полиция департаментінің бастығы Серік Ергешовтің жұмыс сапары Шиелі және Жаңақоған аудандарында жалғасын тапты. Ведомство басшысы полиция бөлімдерінің жұмысымен танысып, бөлімге тиесілі ғимараттарды аралады.
Аудандық полиция бөлімдері бастықтарының есептері тыңдалды. Екі ауданда да қылмыстық ахуалдың тұрақтылығы айтылды.
ПД бастығы аудандық полиция бөлімдерінің басшыларына қоғамдық тәртіпті сақтау, азаматтардың конституциялық құқықтарын қорғау, атқарылған жұмыстарды ашық көрсетіп, халықпен сенімді байланыс орнату бағытында тапсырмалар берді.
Сонан соң департамент бастығы ардагерлермен де кездесті. Кездесу барысында өзекті мәселелер қозғалып, ұтымды ұсыныстар айтылды.
