Қызылорда полициясында оқушылар спорт шебері Илья Ильинмен кездесті, – деп хабарлайды Polisia.kz.
Бүгін Қызылорда облысы Полиция департаментінде «Мен және менің полицейім» атты акциясы аясында Қазақстанға еңбек сіңірген спорт шебері Илья Ильин мектеп оқушыларымен кездесті.
Кездесу барысында Илья Ильин өзінің қалай спортқа келгенін, күні түні еңбектің арқасында осы дәрежеге жеткенін айтып берді. Илья балаларға арманға жету үшін мақсаттары айқын болуын, күнделікті уақыттарын жоспарлап үйрену керектігін де айтуды ұмыт қалдырмады. Сабақтарын жақсы оқуларын, өздерін дамыту барысында қазіргі кезден бастап бос уақыттарын тиімді пайдалану жайлы кеңес берді.
Балаларды өздеріне ұнайтын спорт түрлерімен айналысуға және балалықпен құқық бұзушылыққа бармауға шақырды. Илья балалармен сұхбаттасу барысында оларға бірнеше кітапты оқуға ұсынды.
Кездесу барысында балалар өздерінің сұрақтарын қойып, жауаптарын алып, естелікке суретке түсті.
