Қызылордада қоғамдық орындарды ластаған тұрғындар айыппұл арқалады, – деп хабарлайды Polisia.kz.
Қызылорда қаласында санитарлық тазалық жұмыстары жүйелі түрде іске асырылып келеді. Осыған орай, қалалық полиция басқармасының қызметкерлері рейдтік іс-шара ұйымдастырды.
Нәтижесінде белгіленбеген орындарға қоқыс тастаған, ластаған және тыйым салынған тұрмыстық қатты қалдықтарды тастаған орындар анықталып, тәртіпсіздік жасаған тұрғындарға айыппұл салынды.
Мысалы, 27 қараша күні тұрмыстық қатты қалдықтарды белгіленбеген жерге тастағаны үшін қала тұрғынына ҚР ӘҚБтК-нің 505-бабына сәйкес айыппұл салынды.
Полиция қызметкерлері азаматтарды Заң мен тәртіпті қатаң сақтауға шақырады.
