Қызылорда облысы Полиция департаментінің Есірткі қылмысына қарсы іс-қимыл басқармасы тарапынан жалпы білім беру оқу орындарының оқушылары мен колледж студенттері арасында «Есірткісіз әлем керемет…» ұранымен граффити байқауы ұйымдастырылды, – деп хабарлайды Polisia.kz.
Бұл байқаудың негізгі мақсаты – қандай да бір арнайы қаражатсыз жастар мен жасөспірімдерді позитив іздеуге бағыттау және кәмелетке толмағандар арасындағы нашақорлық проблемаларын түсіндіру.
Байқаудың бірінші кезеңі аймақтарда өтті, екінші облыстық кезеңге 10-18 жас аралығындағы 37 жұп сайыскер қатысты. Олар өздерінің жұмыстарында нашақорлық проблемасына көзқарастарын білдірді.
Қатысушылар граффити суреттерін қабырғаға емес, импровизацияланған материалдарға: қағазға, матаға, кенепке, баннерлерге және тіпті картонға салды.
Қатысушыларды орындау техникасы, жұмыстың сапасы мен тазалығы, сурет салу идеясы бойынша бағалады.
Конкурстық комиссияның шешіміне сәйкес 21 конкурстық жұп алғыс хат алады, 16 жұп жеңімпаз деп танылды, олардың барлығы сыйлық ретінде пеннибордтар мен дипломдар алатын болады.
