Қызылордадағы тергеу изоляторына Түркістан облысының теолог мамандары барды, – деп хабарлайды Polisia.kz.
Жат ағымның жетегіне түскендерді теологиялық сауаттандыру жұмысы ұзақ мерзімді және мол күшті талап етеді. Сондықтанда Қызылорда облысы ҚАЖ департаментіне қарасты ЗК-169/1 тергеу изоляторында арнайы аймақта ұсталынатын сотталған азаматтарымен әртүрлі оңтайландыру жұмыстары өтіліп тұрады.
Осы орайда мекеменің телог мамандарымен өзара іс-тәжірибие алмасу мақсатында мекемеге Түркістан облысының сала мамандары келді. Атап айтқанда, Түркістан облысы дін істері басқармасының «Дін мәселелерін зерттеу орталығы» КММ-ның теолог маманы Нағызхан Ілияс пен «Дін проблемаларын зерттеу орталығы» КММ-ның бөлім басшысы Абухаир Сабырұлы.
– Бүгін біз ЗК-169/1 тергеу изоляторындағы экстремизм және тероризм баптары бойынша сотталған жеті азаматын қабылдадық. Қабылдау кезінде олардың дінге деген көзқарастары мен сенімдерін танып білу мақсатында сұрақтар қойып, теріс діни бағыттағы сотталғандарды оң бағытқа бұру бойынша әңгіме сұхбат жүргіздік. Сондай-ақ, әр түрлі себептермен дәстүрлі дінді жоққа шығаратын бұл сотталғандардың діни көзқарастарын өзгерту мақсатында жаза өтеушінің өмірлік көзқарастарын жағымды бағытқа өзгертуге септігін тигізіп, адамгершілікке, имандылыққа тәрбиелеуге оң әсерін беріп жүрген өз тәжірибиелерімізбен бөлістік, – дейді «Дін проблемаларын зерттеу орталығы» КММ-ның бөлім басшысы Абухаир Сабырұлы.
