«Мектепке жол» қайырымдылық акциясы «Менің таңдауым – балаларға көмек көрсету!» ұранымен өткізілуде, – деп хабарлайды Polisia.kz.
Акция аясында істеген игі істер мен жылы ілтипат білдіріп, балалардың жүрегіне жылу ұялатып армандарының бірін орындап бақытты балалықтың қуанышына бөленсін деген мақсатта Қызылорда облысы Полиция департаментінің Қазалы аудандық полиция бөлімінің Ювеналды полицияның қызметкерлері көп балалы және жалғыз басты аналарға жаңа оқу жылына қажетті құрал жабдықтар, электронды құрылғылар, яғни роутер табыстады.
Қазақтың жақсы қасиеттерінің асылы –жомарттық, кеңпейілділік. Ол адамға қызмет қылып, жақсылық жасауға пейілді жанға тән сипат. Жомарт болу- өзіңде барды зәру адаммен шын жүректен бөлісу. Болашақта еліміздің өркендеуіне білімді жастар ғана биік асулардан аса алатынын ескерсек, балаларға жасалған қамқорлық елімізге еселеп қайтатыны анық.
