Шахтинск қаласында қоғамдық көлікте қалта ұрлығымен айналысқан 35 жастағы күдікті ұсталды, – деп хабарлайды Polisia.kz.
28 қаңтар күні Қарағанды облысы Шахтинск қалалық полиция бөліміне 37 жастағы қала тұрғыны хабарласып, белгісіз біреу қоғамдық көлікте ішінде ақша, банк картасы бар әмиянын ұрлап кеткені туралы арызданған. Жәбірленуші азаматшаға келтірілген шығын көлемі 23 мың теңгені құрады.
31 қаңтар күні криминалдық полиция қызметкерлерімен жүргізілген жедел-іздестіру іс-шаралары барысында осы іске қатысы бар деген күдікпен 35 жастағы азамат ұсталды. Күдікті мойындау көрсетпе белгілерін беріп, айғақ заттар тәркіленді. Тергеу амалдары жүргізілуде.
Аталған факті бойынша қылмыстық кодекстің 188-бабына (Ұрлық) сәйкес іс қозғалды.
