Шахтинск қаласының Жастар орталығы Қарағанды облысы және Ұлытау облысы бойынша ҚАЖД-ға қарасты №36 мекемесінің сотталғандары арасында үстел теннисінен жарыс ұйымдастырды, – деп хабарлайды Polisia.kz.
Спорттық іс-шара Шахтинск қаласының «Тентек» жаңа спорт кешенінде ұйымдастырылды. Үстел теннисінен турнирге мекеменің сотталғандары мен жастар орталығының қатысушылары қатысты.
– Осы жылы өзара іс-қимыл аясында біз сотталғандар арасында осындай спорттық іс-шараны алғаш рет ұйымдастыруды шештік. Үстел теннисі әлемдегі ең танымал спорттық ойындардың бірі болып саналады. Бұл спорт денсаулыққа пайдалы ғана емес, сонымен қатар әртүрлі өмірлік жағдайларда адамға пайдалы болатын жеке қасиеттерді дамытуға көмектеседі. Сотталғандар үшін бұл өзін дәлелдеуге ынталандыру, сондай-ақ оларды түзетуге оң әсер етеді, – деп атап өтті №36 мекеме бастығының орынбасары Айдос Дүйсекенов.
