ШҚО-да түрмеге тыйым салынған заттарды кіргізбек болған ер адам ұсталды, – деп хабарлайды Polisia.kz.
Ер адам ішімдік құйылған төрт бөтелке мен смартфон телефонын түрме аумағына лақтырмақ болды.
Колонияның іргелес аумағынан ШҚО бойынша ҚАЖ департаментінің ОВ 156/20 мекемесінің қызметкерлері Өскемен қаласының 37 жастағы тұрғынын ұстады. Оның рюкзагынан скотчпен оралған сыйымдылығы бір литр болатын төрт пластикалық бөтелке тәркіленді.
Сыртындағы скотчты шешіп тексеру барысында пластикалық бөтелкелерге алкогольдің иісі бар сұйықтықтың құйылғандығы анықталды. Сондай-ақ бір смартфон телефоны табылды.
Аталған факті бойынша Ертіс және Согра полиция бөлімдерінің жедел тобы шақырылды.
Ұсталған азамат әкімшілік жауапкершілікке тартылады.
