ШҚО-да "Тұрмыс" жедел-алдын алу іс-шарасы басталды, - деп хабарлайды Polisia.kz.
24-30 қаңтар аралығында отбасында алкогольдік масаң күйде жасалатын қылмыстар мен құқық бұзушылықтардың алдын алу, сондай-ақ, криминогендік жағдайды сауықтыру мақсатында "Тұрмыс" республикалық жедел-алдын алу іс-шарасы басталды.
Полиция отбасында орын алатын құқық бұзушылықтар, рецидивтік қылмыстар жасауға бейім адамдарды анықтау бойынша профилактикалық жұмыс жүргізеді.
Қорғау нұсқамалары шығарылған не мінез-құлқына ерекше талаптар белгіленген адамдардың белгіленген шектеулерді сақтауына ерекше назар аударылады.
"Азаматтардан отбасы-тұрмыстық қатынастар саласындағы құқық бұзушылықтар, сондай-ақ, спирттік ішімдіктерді заңсыз сату туралы қандай да бір ақпарат алған жағдайда "102" арнасына хабарлауды сұраймыз", - деді полиция қызметкерлері.
