ШҚО полицейлері жаңа жылдық мерекеде балаларға керемет көңіл-күй сыйлады, – деп хабарлайды Polisia.kz.
Шығыс Қазақстан облысы полиция департаментінің қызметкерлері өз қамқорлығындағы балаларға, полиция қызметкерлерінің балаларына және кадет сыныптарының оқушыларына ұмытылмас мереке ұйымдастырды.
Жаңа жылдық шырша шынайы қуаныш пен сиқырға толы салтанатты шараға айналды. Ертегі кейіпкерлері, жарқын бағдарлама және Аяз Ата мен Ақшақардың келуі балаларға шексіз қуаныш пен ұмытылмас әсер сыйлады.
Биылғы мерекеге 500-ден астам жас қонақтар қатысты. Балалар байқаулар мен ойындарға белсене қатысып, мереке кейіпкерлерімен еркін сөйлесіп, ерекше атмосфераға шын жүректен қуанды.
Әсіресе «Жас сақшы» кадет сыныптары оқушыларының алғыс сөздері жүрекке жылу сыйлады. Олардың шат күлкісі мен қуанышы ұйымдастырушылар үшін ең үлкен марапат болды. Ұйымдастырушылар жыл сайын балаларға шынайы ертегі сыйлау үшін барын салып келеді.
Әсем күлкі, жылы эмоциялар және ұмытылмас сәттер бұл күнді шынымен ерекше етті. Осындай шаралардың арқасында Полиция департаменті балаларға мерекенің жылуын сезінуге және ғажайыптарға сенуге көмектеседі.
