Шығыс Қазақстан облысының бас полицейі өскемендік оқушылармен кездесіп, мектептегі дабыл батырмасын тексерді - деп хабарлайды Polisia.kz.
Облыстың бас полицейі Ерлан Омарбеков Өскемен қаласының №30 мектебінің оқушыларымен құқықтық сауаттылық сабағын өткізіп, қазіргі жағдайда жастарды алаңдататын қауіп туралы әңгімелеп берді. Департамент бастығы бірінші кезекте ЖБО-ға тікелей интеграцияланған бейнебақылау камералары мен дабыл батырмалары жүйелерінің жұмысын, сондай-ақ қызмет көрсететін бөлімшелердің келу жеделдігін тексерді.
Айта кету керек, полиция қызметкерлері шақыртуға 4 минутта келді, бұл жағдайдың кез келген өзгерістеріне жедел ден қою мүмкіндігін тағы да растайды. Кездесудің басты мақсаты - іс-шараның бастамашысы болған 200-ден астам оқушымен кездесу болды.
- Бірінші кезекте, шақырғаныңыз үшін алғыс айтқым келеді, мұндай бастама мені қуантады. Бұл сіздердің заңға қызығушылық танытып, тәртіп сақшысы болуға дайын екендіктеріңізді білдіреді, - деп атап өтті ПД бастығы.
Кездесуді аша отырып, ПД бастығы оқушылардың назарын жасөспірімдер қылмысына аударды, ол тыңдаушылардың өздерімен құрдас жасөспірімдер жасаған қылмысты нақты мысал ретінде келтірді.
Облыстың бас полицейі жасөспірімдерді есірткі саудасына тарту, интернет-алаяқтық, жалған терроризм, қорқыту және оқу орындарында бопсалау сияқты өзекті тақырыптарды қозғады, мұның бәрі қазіргі заманның қасіреті және елдің болашағына қауіп төндіретіні ешкімге құпия емес.
- 2023 жылдың өткен кезеңінде облысымыздың 75 жасөспірімі (өткен жылы 88) әртүрлі қылмыс пен құқық бұзушылық жасады, олардың ең кішісі қылмыс жасаған кезде 13 жаста еді. Қорқытудың барлық жағдайында үндемей қалмаңыздар, ата-анаңызға, мұғалімдеріңізге және жақындарыңызға сеніңіздер. Қазір полицияда мұндай фактілерді ашуға және дәлелдеуге барлық күш пен құрал бар. Кез келген бұзушылық жазалануы керек және сіздің құқығыңыз қаншалықты бұзылса, соншалықты құқықтық баға беріледі, - деп атап өтті ШҚО-ның бас полицейі.
Өз кезегінде оқушылар бас тәртіп сақшыны аса қызығушылықпен тыңдап, сұрақтарына тұшымды жауап алды. Ерлан Омарбеков жасөспірімдерді тәртіпті болуға, жақсы оқуға, уақытты тиімді пайдалануға, спортпен шұғылдануға, үнемі білімін жетілдіруге және жаңа биіктерге жетуге шақырды. Іс-шара соңында педагогтар мен ата-аналар қонаққа балаларға қажетті ақпараттармен кеңестер бергені үшін алғыс білдірді.
Іс-шара дәстүрге айналған қару-жарақ көрмесімен аяқталды.
