Қазақстан Республикасы ІІМ Ұлттық ұланының 6506 әскери бөлімінде әскери қызметшілермен жол қозғалысы ережелерін сақтау және жеке қауіпсіздікті қамтамасыз ету тақырыбында профилактикалық кездесу өтті, — деп хабарлайды Polisia.kz.
Кездесуге әскери бөлімнің әскери полиция қызметінің офицерлері, Шымкент қаласы Әл-Фараби аудандық полиция бөлімінің инспекторы Назерке Төлеген және психикалық денсаулық орталығының нарколог-маманы Бекбол Абсаттаров қатысты.
Кездесу барысында Шымкент қаласында жыл басынан бері тіркелген жол-көлік оқиғалары туралы ақпарат берілді. Сондай-ақ жол ережелерін сақтау – әр азаматтың міндеті екені атап өтілді.
— Жол ережелерін елемеу ауыр салдарға әкелуі мүмкін. Әр әскери қызметші бөлімнен тыс жерде де тәртіп пен жауапкершілікті сақтау керек, әсіресе көлік басқару кезінде, — деді әскери полиция қызметінің аға офицері Серік Мықтыбаев.
Кездесу соңында әскери қызметшілер мамандарға сұрақ қойып, тиісті жауап алды.
