Шымкентте есірткі тасымалдаушы ұсталды, – деп хабарлайды Polisia.kz.
Шымкент қаласы Полиция департаменті Есірткі қылмысына қарсы іс-қимыл басқармасына Әл-Фараби Ташкент тас жолында белгісіз азаматтың психотропты есірткі затын өзімен бірге тасымалдап жүргені туралы жедел ақпарат түскен. Хабарды алған қырағы полицейлер жүйелі жұмыс жүргізіп, күдіктіні анықтап, тексерді.
Тергеп-тексеру барысында ер адамның қара сөмкесінің ішінен 10 пакетке салынып, қара түсті изолентаға оралған психотроптық есірткіге ұқсас зат және пышақ тәркіленіп алынды.
Аталған жайт бойынша сот сараптамасы тағайындалды. Сараптама қорытындысына сәйкес күдіктіден алынған заттың жалпы салмағы 6 грамға жуық болатын «пирролидиновалеровенон», яғни «а-PVP» синтетикалық есірткі екені белгілі болды.
Қазіргі таңда күдікті азаматқа қатысты ҚР ҚК-нің 296-бабы 4-бөлігі бойынша тіркеліп, сотқа дейінгі тергеу амалдары жүргізілуде.
