Шымкентте полицейлер пәтерден планшет ұрлаған жігітті ұстады, – деп хабарлайды Polisia.kz.
Шымкент қаласы Полиция департаменті Еңбекші аудандық Полиция басқармасына жергілікті тұрғын арызданды. Әйелдің айтуынша, құрылысы аяқталмаған үйіне белгісіз тұлға еркін кіріп, құны 189 990 теңге тұратын планшетін ұрлап кеткен.
Тәртіп сақшылары жедел-іздестіру шараларын жүргізіп, нәтижесінде «ізін суытпай» 23 жастағы жігітті анықтап, ұстады.
Аталған жайт ҚР ҚК-нің 188-бабы 1-бөлімі бойынша тіркелді.
Қазіргі таңда ұсталған азаматқа қатысты сотқа дейінгі тергеп-тексеру амалдары жүргізіліп жатыр.
