Шымкентте тұрғыннан есірткіге ұқсас зат табылды, – деп хабарлайды Polisia.kz.
2021 жылғы 3 мамыр күні сағат 22:00 шамасында Шымкент қаласы ПД Әл-Фараби ауданы ПБ Жергілікті полиция басқармасы бөліміне қарасты №18 УПП учаскелік полиция инспекторлары өздеріне бекітілген әкімшілік аумақты қадағалау және қылмыстың алдын алу мақсатында аралау кезінде Шымкент қаласы Бостандық көшесі 55 үйдің алдында жүрісі күдік тудырған азаматты байқайды.
Тексеру барысында аталған азаматтың қалтасынан қағазға оралған жасыл түсті өткір иісті есірткіге ұқсас зат анықталып, тәркіленді. Аталған жайт бойынша полиция қызметкерлері тексеру жұмыстарын жүргізеді. Жергілікті тұрғын анықталған затты қайдан алғаны және қандай мақсатта алып жүргені тексеріледі. Оның нәтижесі бойынша аталған азаматтың іс-әрекетіне құқықтық баға беріледі.
