Шымкенттік тұрғын көлігінде қару сақтаған, – деп хабарлайды Polisia.kz.
Шымкент қаласының Полиция департаменті ЖПҚБ Патрульдік полиция полкінің 958-автоэкипажы қызмет барысында Нұрсәт шағынауданында күмән тудырған ВАЗ маркалы көлікті тоқтатқан.
Полицейлер профилактикалық түсіндірме жұмыстарын жүргізу кезінде автокөліктің алдыңғы орындығында қару бар екендігін байқаған. Оқиға орнына жедел-тергеу тобы шақыртылып, тәртіп сақшылары табылған қару тәріздес затты айғақты зат ретінде тәркіледі.
Аталған азаматтың қала аумағындағы осыған ұқсас басқа да қылмыстарға қатыстылығы тексерілуде.
