СҚО-да полицейлерге бірегей тренинг өткізілді, — деп хабарлайды Polisia.kz.
Солтүстік Қазақстан облысы полиция департаментінің басшылық құрамы үшін шешендік өнер және көпшілік алдында сөйлеу бойынша бірегей тренинг ұйымдастырылды.
Медиа кеңістікте және әлеуметтік желілерде қызметтегі нәтижелері туралы жиі айтатын полиция қызметтерінің басшылары сөйлеу мәдениетін жетілдірді, көпшілік алдында сөйлеу техникасымен танысты.
Тәртіп сақшыларын үздік телеарналарда жұмыс істеген 25 жылдық тәжірибесі бар кәсіпқой журналист, сөйлеу техникасы және презентация шеберлігі бойынша сарапшы Светлана Дроздецкая үйретті.
Сабақта шешендік өнер, көпшілік алдында, сахнада немесе телекамера алдында сөйлеу кезінде өзін-өзі ұстау сияқты көптеген тақырыптар қамтылды.
Медиа сауаттылық, көпшілік алдында, теледидар экранынан және әлеуметтік желілерде түсіндіру жұмыстарын жүргізе білу – қазіргі қазақстандық полицейдің кәсібилігінің маңызды критерийлері.
