СҚО-да тергеушілер мен студенттер спорт алаңында кездесті, – деп хабарлайды Polisia.kz.
СҚО-да полиция мен студенттер волейбол алаңында кездесті. Аумақтық полиция бөлімдерінің тергеу бөлімшелерінің қызметкерлері жарысты алдағы дәстүрлі тергеу органдарының күніне арнады. Солтүстік Қазақстан университетінің абыройын заң мамандығының студенттері — болашақ заңгерлер қорғады. Олардың болашақ мамандыққа енуін жеңілдету үшін құқық қорғау органдары студенттермен үнемі айналысады, тергеу және анықтау процедураларының, сот-медициналық жұмыстардың ерекшеліктерімен таныстырады.
Бүгін полиция қызметкерлері жас жігіттер мен қыздарға погон таққан адамдардың мерекелік демалыстарын қалай өткізетінін көрсетті. Жылдар бойы бірлескен ұжымда жұмыс істеп келе жатқан қызметкерлермен бәсекелесу оңай болған жоқ, дегенмен жастар «Жеңіске деген ерік-жігері үшін» номинациясында танылуға қол жеткізді.
Үшінші орынды Жамбыл және Мамлют аудандарының полиция бөлімдерінің біріккен командасы, екінші орынды Айыртау ауданының тергеушілері иеленді. Жүлделі бірінші орынды – Петропавл полицейлері иеленді. Тергеу жұмысына жетекшілік ететін СҚО ПД бастығының орынбасары Еңбек Сембин полиция қызметкерлері мен студенттерді құттықтап, оларға еңбекте табыс тіледі және мұндай іс-шаралар салауатты өмір салты идеяларын ілгерілетуге ықпал ететіндігін атап өтті.
Сергектік, салауатты спорттық толқу, ұйымшылдық және командалық рух сезімі – барлық қатысушылары үшін басты жетістіктерге айналғаны сөзсіз.
