СҚО-да ЖКО болды. Hyundai Tucson автокөлігін басқарған 42 жастағы ер адам рөлді игере алмай, қарсы қозғалыс жолағына шығып, ГАЗ-33098 көлігімен соқтығысқан, – деп хабарлайды Polisia.kz.
12 маусымда сағат 18:17-де СҚО Аққайың ауданының полиция бөлімінің кезекші бөліміне Астана – Петропавл автожолының 416-шақырымында жол-көлік оқиғасы болғандығы туралы телефон арқылы хабарлама келіп түсті.
Оқиға орнына келгеннен кейін 42 жастағы ер адам Hyundai Tucson автокөлігін басқарған кезде рөлді басқара алмай, қарсы қозғалыс жолағына шығып, ГАЗ-33098 көлігімен соқтығысуға жол бергені анықталды. Жедел жәрдем бригадасының медицина қызметкерлері 37 жастағы ер адамды ауруханаға жатқызды. Медициналық куәландыру актілеріне сәйкес, екі жүргізуші де байсалды.
Аталған факт бойынша 42 жастағы ер адамға қатысты ҚР ӘҚБтК-нің 610-бабы 1-бөлігі бойынша әкімшілік хаттама жасалды.
