СҚО полицейлері бір апта ішінде 400 литрден астам заңсыз алкогольді тәркіледі, – деп хабарлайды Polisia.kz.
6-12 ақпан аралығында солтүстікқазақстандық полицейлер қоғамдық орындарда 414 мас күйдегі азаматты жауапқа тартты. Осы кезеңде облыс аумағында «Қауіпсіз апта» ауқымды жедел-профилактикалық іс-шарасы өтті. Әдетте құқық бұзушылықтардың жасалуына себеп болатын жағдайлар тұрғылық мекенжайға барған кезде айқын көрінеді. Мәселен, күндіз әйелі жұмыста болған кезде есепте тұрған еңбекке қабілетті күйеуі ішімдікке тойған күйінде табылады. Тәртіп сақшылары мұндай көріністі жиі көреді. Әсіресе, тұрмыстық зорлық-зомбылық тіркелген үйлерде осындай жағдайлар орын алып жатады. Бір апта ішінде қорғау нұсқамасын бұзудың 13 фактісі және құқық бұзушылардың мінез-құлқына қойылатын ерекше талаптардың бұзылуының 33 дерегі анықталды. Бұл шаралардың әрқайсысымен отбасылық жанжалдарға жол бермес үшін алкогольді ішуге тыйым салынған.
Полицейлер есепте тұрған тұлғалар тұратын 4 мыңнан астам мекенжайды тексерді. Олардың жартысы – маскүнемдер. Сондай-ақ тұрмысы қолайсыз 304 отбасы, шартты түрде мерзімінен бұрын босатылған 495 адам, тұрмыста құқық бұзушылық жасаған 554 адам тексерілді.
– Сондай-ақ криминогендік ахуалды сақтау үшін алкогольді асыра пайдаланатын адамдардың пайда болу орындарын, жалға берілетін тұрғын үйлерді тексеру ұйымдастырылды.
Алкогольді сатқаны үшін 20 адам жауапкершілікке тартылды. Заңсыз айналымнан құрамында спирт бар 400 литрден астам өнімдер алынды, – дейді СҚО ПД жергілікті полиция қызметі басқармасының бастығы Айдын Байматов.
Бұдан бөлек, өткен аптада патрульдік полиция батальонының қызметкерлері күшейтілген режимде жол жүрісі қағидаларының өрескел бұзушылықтарын анықтау үшін тексерулер жүргізді. Олар 13 мас жүргізушіні тоқтатты. Іс-шара барысында 1495 түрлі құқық бұзушылық анықталды.
