СҚО полицейлері Integrity check және басқа да сыбайлас жемқорлыққа қарсы шараларды талқылады, – деп хабарлайды Polisia.kz.
Тәртіп сақшылары қатарындағы сыбайлас жемқорлыққа қарсы күрес, полицейлерді адалдыққа тексерудің алдын ала қорытындылары және басқа да мәселелер Солтүстік Қазақстан облысының полиция департаментіндегі жұмыс кеңесінде талқыланды. Оған басқарма бастықтары, патрульдік полицияның жеке құрамы, жергілікті полиция қызметі қатысты. Аумақтық бөлімшелер бейнеконференцбайланыс арқылы қосылды.
Кеңес СҚО бойынша сыбайлас жемқорлыққа қарсы іс-қимыл агенттігі департаментінің бастамасымен өтті. Оның басшысы Асхат Жәкіпбеков республикада және облыста жүргізіліп жатқан жұмыстар туралы айтып берді. СҚО ПД өзіндік қауіпсіздік басқармасы бастығының м.а. Әлішер Нұралиев полицейлер арасында сыбайлас жемқорлық бойынша құқық бұзушылықтардың алдын алу бойынша қабылданып жатқан шаралар туралы баяндады.
Олардың қатарында сыбайлас жемқорлық тәуекелдерін анықтау бойынша талдау жұмыстарын жүргізу, сыбайлас жемқорлық құқық бұзушылықтар бойынша үкімдерді жария етуге полиция қызметкерлері қатысатын ашық сот отырыстарының практикасы, өзге де алдын алу шаралары бар.
Атап айтқанда, бұл адалдықты тексеру немесе Integrity check деп аталатындар бағдарламалар туралы болды. Олар қазірдің өзінде СҚО ПД 44 объектісін қамтып үлгерген. Қазіргі уақытта тексерулер сынақ режимінде жүріп жатыр, 2025 жылдың қаңтарынан бастап олардың нәтижелері қызметкерлердің тағдырына тікелей әсер етеді. Алдын ала жасалған қорытындылар бойынша полицейлер оларға пара беру әрекеттері және басқа да сыбайлас жемқорлық қатерлері туралы басшыларды дереу хабардар етеді.
Кездесу соңында СҚО сыбайлас жемқорлыққа қарсы іс-қимыл агенттігі департаментінің инспекторы Светлана Зайцева заңнамадағы алдағы өзгерістер туралы хабарлады: сән-салтанат салығын енгізу, заңсыз сыйақы алғаны үшін қылмыстық жауапкершілік және т.б.
СҚО ПД бастығы Айдын Қабдұлдинов басшы құрамға бағыныштылардың сыбайлас жемқорлық қылмыстары үшін бастықтардың жауапкершілігі туралы еске салып, әрбір қызметкердің жеке басын ескере отырып, жеке құраммен формализмсіз профилактикалық жұмысқа бағдарлады.
