СҚО-да полицейлер аудандарда отбасылық зорлық-зомбылықты болдырмау бойынша рейдтер мен кездесулер өткізіп жатыр, – деп хабарлайды Polisia.kz.
Солтүстік Қазақстан облысында полицейлер мүдделі органдармен бірлесіп «Зорлық-зомбылыққа қарсы белсенділіктің 16 күні» акциясы аясында халыққа отбасылық тұрмыс саласындағы заңнаманы түсіндіруді жалғастыруда. Кеше Мамлют ауданының жұртшылығымен және активімен кездесу өтті, оған ауылдық округтердің әкімдері де қатысты.
Солтүстік Қазақстан облысы полиция департаменті жергілікті полиция қызметі басқармасының қызметкерлері Солтүстік Қазақстан облысы әкімі жанындағы әйелдер істері және отбасылық-демографиялық саясат жөніндегі комиссияның, Қазақстан халқы Ассамблеясының, сондай-ақ бала құқықтары жөніндегі уәкіл, облыстық мәслихат депутаты Сәуле Сұрағанованың аудандық әріптестерімен бірлесіп, аудан тұрғындарына заңнаманың негізгі ережелерін жеткізді.
Басты назарда – адамдардың отбасылық тұрмыс саласындағы құқықтары мен міндеттері, үйде орын алатын зорлық-зомбылықтың алдын алу. Белсенділер мен жергілікті атқарушы органдардың өкілдеріне заңнамалық жаңалықтар туралы өзекті ақпарат беріліп, өмірлік тәжірибеден мысалдар келтірілді. Сондай-ақ, тұрмыстық зорлық-зомбылық фактілері туралы үндемей, апатқа жол бермеу үшін дер кезінде полицияға жүгіну керек.Бұл көп жылдан бері шешілмей жатқан проблеманы тиімді шешуге мүмкіндік береді.
– Кездесуден кейін қатысушылар полициямен бірге Мамлютка аудан орталығының проблемалық мекенжайлары бойынша профилактикалық рейдке қатысты. Рейдтік топ отбасылық жанжалқойлардың жолын кесу үшін учаскелік инспекторларды бірнеше рет шақырылған үйлерге барды. Адамдарға олардың құқықтары, құқық бұзушылықтар үшін қылмыстық және әкімшілік жауапкершілік туралы ескертілді. Сондай-ақ байланыс нөмірлері бар тақырыптық жадынамалар таратылды. «Зорлық-зомбылыққа қарсы белсенділіктің 16 күні» республикалық акциясы 10 желтоқсанға дейін жалғасады. Алайда отбасылық-тұрмыстық қатынастар саласындағы бұзушылықтардың алдын алу бойынша жұмыс күн сайын жүргізіледі. Отбасылық жанжал болған жағдайда дереу тәулік бойғы жұмыс істейтін полицияның «102» нөміріне қоңырау шалу қажет, – деп атап өтті Солтүстік Қазақстан облысы полиция департаменті жергілікті полиция қызметі басқармасының аға инспекторы Әсия Әбжанова.
