СҚО бойынша полиция департаментінің жергілікті полиция қызметі басқармасы тұрғындарды жол қозғалысы ережелерін қатаң сақтауға шақырады, – деп хабарлайды Polisia.kz.
Мектептегі жазғы демалыс қарсаңында полицейлер оқушылармен жоспарлы кездесулерді жалғастыруда, сондай-ақ қала көшелерінде рейдтер өткізіп, скутер, велосипед және электросамокаттардың жүргізушілері арасында жол қозғалысы ережелерін бұзудың алдын алады. Бастауыш және орта сынып оқушыларымен кезекті кездесу №13 қалалық орта мектепте өтті.
– Жергілікті полиция қызметі мен ювеналды полиция басқармасының инспекторлары балаларға велосипедпен жүрудің негізгі ережелері туралы айтып, реттеушінің негізгі қимылдарының маңыздылығын түсіндіріп, барлық ережелерді қатаң сақтауға шақырды. Тәжірибе көрсеткендей, жол-көлік оқиғалары тек бос емес қиылыстар мен қала маңындағы жолдарда ғана емес, сонымен қатар көпқабатты үйлердің аулаларында да болады. Жазда балалар өте тәртіпті болуы керек. Жол қозғалысының барлық ересек қатысушыларына да қатысты, – деп нақтылады СҚО ПД ЖПҚБ бастығы Айдын Байматов.
Жол-көлік оқиғаларының алдын алу желісі бойынша полицейлер скутер жүргізушілеріне де едәуір көңіл бөледі. Аталған көлік құралдарының жүргізушілерінде жарамды жарықтандыру аспаптары болуы тиіс, сондай-ақ скутерде қатаң қорғаныш дулығада жүру қажет. 2022 жылы Солтүстік Қазақстан облысының жолдарында скутерлердің қатысуымен төрт жол-көлік оқиғасы тіркелді, соның салдарынан бес адам зардап шекті.
Осы жылдың басынан бастап 35 жол-көлік оқиғасы тіркелді, соның салдарынан үш адам қаза тауып, 65 адам жарақат алды. 20 деректің үштен екісі – фронтальды қақтығыстар. Негізгі себептер – маневр жасау және қиылыстардан өту, қарсы жолаққа шығу ережелерін бұзу. Сонымен қатар 9 жол-көлік оқиғасы жаяу жүргіншілердің соқтығысуымен байланысты. Тәртіп сақшылары қозғалыстың барлық қатысушыларынан жол қозғалысы ережелерін қатаң сақтауды және балалармен осы тақырыпта қосымша әңгімелер өткізуді сұрайды.
