СҚО полицейлері алкогольдік масаң күйде қылмыс жасау санының төмендегенін айтты, – деп хабарлайды Polisia.kz.
Алкогольді асыра пайдалану – криминогендік факторлардың бірі. Бұзақылықтардың, отбасылық зорлық-зомбылық фактілерінің, автокөлік құралын тартып алу, дене жарақаттарын келтіру және басқа да қылмыстар мен құқық бұзушылықтардың басым бөлігі масаң күйде жасалып жатады.
Мәселен, көктемде облыс аудандарының бірінің 58 жастағы тұрғыны мас күйінде ұлымен сөзге келіп қалып, пышақ сұққан. Кейін баласы әкесін кешіріп, сотта қатаң жазаламауын сұраған. Сот ер адамға 4 жылға бас бостандығын шектеу және жылына 100 сағат мәжбүрлеп еңбекке тарту жазасын берді. Сонымен қатар оған ішімдік ішетін ойын-сауық мекемелеріне баруға тыйым салынды.
– Облыста жыл басынан масаң күйде жасалған 477 қылмыс тіркелді. Полиция қызметкерлерінің тұрақты профилактикалық жұмыстары нәтижесінде осы қылмыстардың 16,2 пайызға төмендеуіне қол жеткізілді: өткен жылы 569 қылмыс тіркелген. Бұған учаскелік полиция инспекторларының үй-үйді аралау, алкогольге қарсы заңнаманы бұзушылықтарға қарсы күрес сияқты жұмыстары ықпал етті, – деп хабарлайды СҚО ПД ЖПҚБ бастығы Айдын Байматов.
Қаңтар айынан облыс полицейлері алкогольді заңсыз сатудың 141 фактісін, алкоголь өнімдерін сату талаптарының 118 бұзушылығын анықтады. Жиналған әкімшілік материалдар бойынша сот 110 кәсіпкерлік субъектілерінің алкоголь өнімдерін сату лицензияларын тоқтатты. 191 адам мәжбүрлеп емдеуге жіберілді.
