"Таза Қазақстан" республикалық экологиялық акциясы аясында Тараз қаласының полиция қызметкерлері қала кәсіпкерлерімен бірлесіп, кофе ішетін орындарда ерекше профилактикалық акция ұйымдастырды, – деп хабарлайды Polisia.kz.
Кофе стақандарына тазалықты сақтауға, қоршаған ортаға ұқыпты қарауға және қоқысты тек арнайы белгіленген орындарға тастауға шақыратын арнайы ескерту стикерлері жапсырылды.
Негізгі мақсат — тұрғындарға тазалықты сақтау, қоршаған ортаға ұқыпты қарау және өз қаласының көркеюі үшін жеке жауапкершілікті мойындаудың маңызын қайта еске салу.
Бастаманы қаладағы кофе ішетін орындардың иелері қолдап, акцияға белсенді түрде қосылып, өз өнімдеріне тақырыптық жапсырмалар орналастырды. Осылайша күнделікті қолданылатын кофе стақаны қаланың тазалығына қамқорлық әрбір тұрғынның қарапайым күнделікті әрекетінен басталатынын еске салатын құралға айналды.
Полиция қызметкерлерінің айтуынша, кәсіпкерлермен бірлесіп жүзеге асырылатын мұндай жобалар тұрғындардың экологиялық мәселелерге назарын аударып, қоршаған ортаға ұқыпты қарау мәдениетін қалыптастыруға ықпал етеді.
Жыл басынан бері Жамбыл облысында 8 251 қоғамдық орындардың ластану фактісі тоқтатылды. Полиция қызметкерлері кәсіпкерлермен бірге осындай бірлескен жобалардың азаматтардың экология мәселелеріне назарын аударуға және қоршаған ортаға ұқыпты қарау мәдениетін қалыптастыруға көмектесетінін атап өтеді.
