23 маусым – Қазақстан полициясы күніне орай Polisia.kz редакциясы ішкі істер органдарында адал қызмет атқарып жүрген полицейлер туралы ақпарат ұсынбақ.
28 жастағы полиция аға лейтенанты Алдаберген Мылтықбай тоғыз жылдан бері Шымкент ҚПД Патрульдік полиция полкінің 12 рота қызмет инспекторы. Ол тек өз ісінің білікті маманы ғана емес, үздік футбол командасының мүшесі ретінде жеткен жетістіктері жетерлік.
Еске салайық, 2020 жылдың 12 қараша күні сағат 10:04 шамасында Арғынбеков және С. Бәйтереков көшелерінің қиылысында бағдаршам істен шығады. Салдарынан әп-сәтте көлік кептелесі туындаған. Осы кезде үйіне қайтып бара жатқан Алдаберген көлігінен түсіп, жол қозғалысын реттеуге кіріседі. Айта кетерлігі ол сол күні түнгі кезекшіліктен шыққан, сондай-ақ кезекшіліктегі әріптесі келгенше қызмет көрсеткен. Қызметі алдында адалдық танытқан полицейдің жол қозғалысын реттеуінен кейін, көлік ағыны жиі көше қиылыстарындағы жағдай қалыпқа түскен. Кептеліске бей-жай қарамай, тиісінше автокөлік тізгіндеушілердің қауіпсіздігін қамтамасыз етіп, жол көлік апаттарының алдын алған тәртіп сақшысы ретінде халық арасында үлкен оң танымалдылыққа ие болды.
Алдаберген мінсіз қызметі үшін басшы құрам тарапынан марапатталған. Оның жетістіктері: ҚР Полиция күнінің 25 жылдығына арнап өткізілген футбол жарысының қорытындысы бойынша үздік шабуылшы танылғаны үшін бірінші дәрежелі грамота, ҚР Полиция күнінің 26 жылдығына арнап өткізілген футбол жарысының қорытындысы бойынша ең жақсы гол соққаны үшін бірінші дәрежелі грамота, 23 маусым Қазақстан полициясы күні кәсіптік мерекесіне орай қызметте кәсіби шеберлік танытып, қоғамдық тәртіп пен қауіпсіздікті қамтамасыз еткені үшін алғыс хат, Шымкент қаласының әкімі Мұрат Әйтеновтің шаһардың қоғамдық-саяси өміріне белсене араласып, түрлі салаларда жетістікке жеткен жастарды «ҮЗДІК ЖАСТАР-2020» премиясы, «Бейбіт өмір батыры» номинациясының иегері.
Алдаберген «Ізгілікте жарысайық» қоғамдық қорының ұйымдастыруымен өткен сайыста толық емес отбасыдан шыққан балаларға спорттық киім үлгілерін құрама команда болып табыстады.
