Бұл туралы ол Алматы қалалық Полиция департаментінің басшылығына жолдаған алғыс хатында айтқан, – деп хабарлайды Polisia.kz.
Ол өз хатында полиция қызметкерлерінің кәсіби шеберлігі мен басшылық тарапынан тиімді ұйымдастыру нәтижесінде алаяқтық фактісі бойынша күрделі қылмыстық істі тергеу нәтижелі аяқталғанын атап көрсеткен.
– Қылмыс өткен жылдың соңында жасалған. Белгісіз біреу азаматтарға олардың өздеріне айтпай несие ресімдеп отырған. Полиция қызметкерлері алаяқтың барлық құрбандарын анықтады, полицейлер оларға қоңырау шалып, олардың атына несие берілген-берілмегенін тексеруді сұрады, кейбіреулері бірнеше ай бойы қарыз екенін білмеген. Қазір күдікті ұсталды және өз қылмысын мойындады, – деді Бостандық аудандық ПБ жанындағы полиция бөлімінің бастығы Ғалым Қасымбаев.
Сонымен қатар, хат авторы аға тергеуші Азамат Қайрат пен жедел уәкіл Жасын Дүйсенбаевтың қызметтік міндеттерін мінсіз орындағанын атап өтті.
– Қызметкерлердің кәсіби шеберлігі, жауаптылығы, өз міндеттерін адал орындауы, дер кезінде әрекет етуі, тиянақтылығы және ұсақ-түйектерге ерекше назар аударуы тергеуді аяқтауға мүмкіндік берді. Қаскүнем ұсталды. Мен тергеу мен қылмыстық іздестіру қызметкерлерінің кәсіби және адами қасиеттері туралы Алматы қаласы полициясының басшылығы мен қоғамды хабардар етуді азаматтық парызым деп санаймын. Сіздердің қызметкерлеріңіздің арасында осындай қызметкерлердің көп болуын шын жүректен тілеймін, – деп түйіндеді алғыс хат жазған Теміртау тұрғыны.
