Теміртауда автокөлік салондарынан бірқатар ұрлық жасаған ер адам ұсталды, – деп хабарлайды Polisia.kz.
13 сәуірде Қарағанды облысы Теміртау қалалық ПБ Шығыс полиция бөліміне 56 жастағы қала тұрғынының өтініші келіп түсті. Ол өнеркәсіптік кәсіпорындардың бірінде жұмыс істейтінін және ауысымға түсер алдында өз көлігін корпустардың бірінің жанындағы тұраққа қалдырғанын айтты. Ер адам жұмыстан кейін көлігіне келсе біреудің алдыңғы есікті бұзып, көлік салонына кіргенін білген. Қаскүнем құралдар жиынтағын ұрлаған, келтірілген шығын ақшалай 65 мың теңгені құрайды.
Сол күні полицияға 20 жастағы жас жігіт жүгінді. Ол да көлігін жұмыстың жанындағы тұраққа қойған. Ауысымнан кейін көліктен ұрлық іздерін тапқан. Бірінші жағдайдағыдай, қаскүнем автокөліктің алдыңғы есігін бұзып кіріп, салондағы құнды заттар – колонка мен күннен қорғайтын көзілдірікті ұрлаған. Келтірілген шығын сомасы 63 мың теңгені құрайды.
Екі факті бойынша полиция ҚР ҚК 188-бабы (Ұрлық) бойынша қылмыстық іс қозғады.
Жеңіл жолмен ақша табуға әуесқойлардың қолжазбаларын ескере отырып, полиция екі жағдайда да бірдей бір тұлға әрекет етті деп болжады.
16 сәуірде жедел-іздестіру іс-шаралары барысында криминалдық полиция қызметкерлері 48 жастағы ер адамды анықтап, ұстады. Ол кінәсін толық мойындап, заттай дәлелдемелер тәркіленді.
Сотқа дейінгі тергеу барысында ұсталған тұлғаның тағы да екі қылмысқа қатысы барлығы анықталды. Тергеу амалдары жүргізілуде.
