Атыраулық полицейлер Қазақстан халқы Тілдері күніне арналған онлайн-челленджді жалғастырды, – деп хабарлайды Polisia.kz.
Қазақ тілін туған тіліндей меңгерген даргин ұлты өкілінің бірі – Атырау облысы Полиция департаментінің қызметкері Магомед Магомедов барша қазақстандықтарды 5 қыркүйек – тілдер мерекесімен құттықтай отырып, ақын,ағартушы Сұлтанмахмұд Торайғыровтың «Қазақ тілі» өлеңін оқыды.
– Бүгін барша қазақстандықтар үшін аса маңызды мереке! Қыстау қиындықпен келген тәуелсіз мемлекетіміздің ана тілін білу – әрбір қазақстандықтың парызы деп есептеймін. Кез-келген ұлт пен халықтың негізгі қатынас құралына айналған Тіл мерекесі құтты болсын, – деді полиция сержанты.
