Тұрғын үй алып беремін деп, шымкенттіктің ақшасын иемденген алаяқ қолға түсті, – деп хабарлайды Polisia.kz.
2021 жылдың 24 мамырында Қаратау АПБ-на жергілікті тұрғын арызданған. Ол өз арызында Н. есімді әйел мемлекеттік бағдарлама арқылы тұрғын үй алып беремін деп, алаяқтық жолмен 600 мың теңгесін иемденіп, қазіргі уақытқа дейін не ақшасын қайтармай, не пәтерін алып бермей жүргенін жазып көрсеткен.
Қаратау АПБ КПБ қызметкерлерімен Шымкент қаласының 32 жастағы тұрғыны анықталып, жеткізілген. Тексеру амалдары жүргізілуде.
