Түркістан облысында азаматтарға 3 мыңнан астам жадынама таратылды, – деп хабарлайды Polisia.kz.
Кентау қаласының Ынтымақ алаңында қалалық полиция бөлімінің ұйымдастыруымен интернет алаяқтықтың алдын алу мақсатында түсіндірме жұмыстарын жүргізуге барлық сала мамандары жұмылдырылды.
Атап айтқанда 20 ерікті, мәдениет және спорт саласынан 20 маман, күзет қызметінен 10 адам, білім саласының 20 маманының қатысумен интернет-алаяқтыққа қарсы үгіт насихат жұмыстары жүргізілді.
Олар халық көп шоғырланатын орындарда 3 мыңнан аса жадынама таратып, қосымша насихаттау және түсіндіру жұмыстарын атқарды.
Интернет-алаяқтықтың алдын алуда түрлі сала мамандары мен еріктілердің іс-әрекеттері маңызды рөл атқарады. Олардың пайдалы ақпаратты белсенді таратып, ескерту материалдарын көпшілікке жеткізуде қосар үлесі көп.
