Тәуелсіздік күні мерекесіне орай тәртіп сақшылары марапатталды, – деп хабарлайды Polisia.kz.
16 желтоқсан «Қазақстан Республикасының Тәуелсіздігі күні» мерекесіне орай, Түлкібас АПБ-нің мәжіліс залында жеке құрамның, Түлкібас АПБ ардагерлер кеңесінің төрағасы Сауранбек Таңатбаевтың және Түлкібас ауданы полиция бөлімінен зейнеткерлікке шыққан ІІО басқа да ардагерлерінің қатысуымен салтанатты іс-шара өтті. Аталған жиында Түлкібас АПБ-нің бастығы Данияр Мейірхан, аудандық полиция бөлімінде қызмет атқарып, зейнеткерлікке шыққан ағаларымызды мерекелерімен құттықтап, Түлкібас аудандық полиция бөлімінің ұжымы атынан ыстық ықыласын білдіріп, ардагерлерге бағалы сыйлықтар тарту етті.
Сонымен қатар Түлкібас АПБ-нің бастығы Д.Мейірхан ІІО ардагерлері Сабиров Қамытбек, Керімқұлов Әмзе, Қожахметов Байтымбеттерді алғыс хаттармен марапаттады.
Сондай-ақ Түлкібас ауданының әкімі Нұрлан Байғұттың атынан алдыңғы шепте тұрып, адал қызмет атқарған біршама тәртіп сақшылары алғысқа кенелді. Оның ішінде Түлкібас АПБ УҰИ бастығы Руслан Бескемпір, ЖПҚБ аға УПИ Мырзабек Қуанышев, ЖКТ аға криминалисті Нұрғали Сапарбаев, ЖПҚБ аға УПИ Қалмұрат Кендірбаев, ЖПҚБ ЮПТ аға инспекторы Айнұр Байжанисова, КБ жедел кезекшісі Досхан Әбіш, ААТ технигі Орынбек Ташкенбай, УҰИ полицейі Дәулет Темірбековке алғыс хаттар табысталды.
Түлкібас АПБ ардагерлер кеңесінің төрағасы С.Таңатбаев, аудандық полиция белімінде қызмет атқарып, зейнеткерлікке шыққан азаматтарға өз құттықтау сөзін жеткізіп, қызметтерінде жоғары көрсеткіш көрсетулеріне тілектес екенін айтты.
