Жамбылда ІІО есебінде тұрған балалар атақты спортшылармен кездесті, – деп хабарлайды Polisia.kz.
Полиция қызметкерлері кикбоксингтен Азия және әлем чемпионы Үсіп Мақсатпен және бокстан әлем және Азия жүлдегері Ғани Жайлауовпен бірлесіп, озат және белсенді оқушылармен, сондай-ақ ішкі істер органдарының есебінде тұрған балалармен мотивациялық кездесу және профилактикалық әңгіме өткізді.
Іс-шара конференция өткізумен басталды, оның барысында спортшылар балаларға өздерінің өмір жолдары туралы айтып берді. Чемпиондар айтып өткендей, бұл спорт түрлері оларға ұдайы тынбай еңбек етіп, білім алуға мүмкіндік берген, әрине, мінез-құлықтарын да шыңдады.
Мұндай кездесулер ІІО есебінде тұрған балаларды жаңа достар табуға, жақсы жаққа өзгеруге және өз алдына дұрыс мақсаттар қоюға ынталандырады.
Балалар спортқа қатысты, салауатты өмір салты, сондай-ақ спортшылардың жеке тәжірибесі туралы өздерін қызықтырған сұрақтар қойды.
Бұдан кейін оқушыларға спортпен шұғылдануға мүмкіндік беретін спорт секцияларына экскурсия өткізілді. Іс-шара жылы және достық жағдайында өтті, барлық қатысушылар жағымды эмоциялар алып, жақсы көңіл-күйде болды, сондай-ақ олардың спорт саласында жеңіске жетуге деген үміттері оянып, ерекше ынталанды.
Іс-шара соңында спортшылар тәрбиеленушілерге үнемі спортпен шұғылдануға, салауатты өмір салтын ұстануға кеңес беріп, еліміз үшін сенімді тірек болуға тілектестігін білдірді.
– Тәуекел тобындағы оқушылардың бос уақытын тиімді пайдалануы кәмелетке толмағандар арасындағы құқық бұзушылықтың алдын алу мәселелерін шешуге көмектеседі. Ол үшін жасөспірімдер спорт секциялары мен үйірмелерге тартылады. Есептік санаттағы балаларды қосымша біліммен қамту 52%-ды құрайды. Мониторинг нәтижелері өткен жылдың осы кезеңімен салыстырғанда есепте тұрған балалар санының төмендегенін көрсетеді, – деді Жамбыл облысының Полиция департаменті Жергілікті полиция қызметі басқармасының бастығы Рахымберді Әшкеев.
