Жетісулық полицейлер студенттерге есірткіге қарсы тақырыпта ақпараттық кітапшалар таратты, – деп хабарлайды Polisia.kz.
Облыстық есірткі қылмысына қарсы іс-қимыл басқармасының қызметкерлері Талдықорған қаласындағы медициналық және политехникалық колледждердің студенттік жатақханаларына барып қайтты.
Полицейлер өңірде есірткі құқық бұзушылыққа қатысы бар контингенттің жаңарғанын байқауға болатынын атап өтті. Яғни жастар арасында есірткі тұтынушылармен қатар таратушыларды кездестіруге болады.
– Ашық диалог барысында біз жастарға нақты мысалдарды көрсетеміз. Олардың ішінде балаларды түрлі есірткі құқық бұзушылықтары үшін қылмыстық жауапкершілікке тарту жағдайлары бар. «Жеңіл ақшаға» ұмтылу және заңдарды білмеу олардың болашағына арналған барлық жоспарларды бұзуы мүмкін екенін түсіндіреміз. Айта кету керек, балалар өз кезегінде пікір таластырып ,түрлі сұрақтар қояды, – деп атап өтті Жетісу ПД ЕҚІҚБ.
Кездесу соңында барлық студенттерге есірткіге қарсы тақырыпта ақпараттық кітапшалар таратылды.
