Жыл басынан бері Павлодар облысында алкоголь өнімдерін заңсыз сатқан 161 жеке кәсіпкер жауапқа тартылды, – деп хабарлайды Polisia.kz.
Облыста қылмыстың төмендеу үрдісі байқалады, оған профилактикалық және түсіндіру жұмыстары ықпал етті. Талдау негізінде ең көп зардап шеккен әкімшілік учаскелерде жергілікті жұмыстар, рейдтік іс-шаралар, тұрғылықты жері бойынша тексерулер жүргізіледі.
– Мас күйдегі құқық бұзушылықтардың алдын алу мақсатында алкогольдік ішімдіктерді ішкені үшін 9224 адам, алкоголь өнімдерін заңсыз сатқаны үшін 161 жеке кәсіпкер жауапқа тартылды, – дейді спикер.
Тұрмыстық құқық бұзушылықтар үшін 3 мыңнан астам отбасылық жанжалқой жауапқа тартылды. 5 мыңнан астам қорғаныс ұйғарымы шығарылды, құқық бұзушылардың тәртібіне 710 ерекше талап қойылды.
Бұрын сотталған адамдар тарапынан қайта қылмыс жасаудың алдын алу мақсатында әкімшілік қадағалауға ресми түрде жататын 38 адамға қатысты әкімшілік қадағалау белгіленді, 31 адамға қатысты шартты түрде мерзімінен бұрын босату жойылды. Пробация қызметінің есебінде тұрған 108 адамға қатысты бас бостандығынан айыру жазасы ауыстырылды.
– Қоғамдық тәртіпті қамтамасыз етуде қоғамдық бірлестіктердің полициямен тығыз қарым-қатынасы орнатылды. Бүгінгі күні құқық қорғау бағытындағы 810 қоғамдық құралым бар, олардың қатысуымен 89 қылмыс ашылды, әкімшілік құқық бұзушылық жасағаны үшін 922 адам ұсталды, – дейді полиция ведомствосының басшысы.
Кәмелетке толмағандар арасында құқық бұзушылықтарға жол бермеу мақсатында ювеналды полиция қызметкерлері білім беру органдарымен бірлесіп профилактикалық жұмыс жүргізілетін бейресми көшбасшыларды 88 адам анықтайды. Балаларды тәрбиелеу жөніндегі міндеттерді орындамағаны үшін 483 ата-ана жауапқа тартылды.
