Спортты серік еткен қызылордалық полицейлер жеңіс тұғырынан көрінді, – деп хабарлайды Polisia.kz.
3-8 қазан күндері Ақтөбе қаласында бокстан КСРО және халықаралық дәрежедегі спорт шебері Бауыржан Ақшолақовты еске алуға арналған XXV халықаралық турнирі өтті.
Чемпион атағын иемдену үшін еліміздің барлық өңірінен келген боксшылар қолғап түйістірді. Бұл сайыста былғары қолғап шеберлері үздік нәтиже көрсетті.
Осы жолы Қызылорда облысы полиция департаментінің ЖҚАЖ инспекторы Онталап Рахманов 92 келі салмақта сынға түсіп, жүлделі ІІ орынды иеленді.
Сонымен қатар 6-9 қазан аралығында Қызылорда қаласында ранкратионнан жастар мен ересектер арасындағы Қазақстан Республикасының кубогы өтіп жатыр.
Бұл сайыста қызылордалық полицей үздік үштікке енді. Қызылорда облысы полиция департаментінің ЖҚАЖ инспекторы Нұрисламбек Нұрланов 71 келі салмақ дәрежесінде ІІ орынды қанжығасына байлады.
