Маңғыстау полицейлеріне 15 қызметтік автокөліктің кілті табысталды, - деп хабарлайды Polisia.kz.
Маңғыстау облысы әкімдігінің қолдауымен полицияға қызметтік автокөліктер берілді. Облыстық ПД бастығы Аян Дуйсембаев патрульдік полиция батальоны мен ротасының қызметкерлеріне, сондай-ақ Маңғыстау облысы аудандарының учаскелік полиция инспекторларына қызметтік автокөліктердің кілттерін табыс етті.
15 автокөліктің барлығы патрульдеу үшін барлық құрылғылармен жабдықталған.
- Патрульдік автомобильдер санының артуы жолдардағы қауіпсіздікті арттыруда оң нәтиже береді деп үміттенеміз. Ең бастысы - азаматтардың амандығы мен қоғамымыздың тыныштығы, - деп атап өтті облыстың бас полицейі.
