Жезқазғанда өзін риэлтор ретінде таныстырған алаяқ тұрғындарды 8 млн теңгеге алдап кетті, – деп хабарлайды Polisia.kz.
20 ақпанда Қарағанды облысы Жезқазған қаласының ПБ-на 28 және 41 жастағы қала тұрғындарынан арыз түсті. Екеуі де белгілі бір адамның алаяқтық әрекетінің құрбаны болғаны белгілі болды. Өзін риэлторлық компанияның өкілі ретінде таныстырып, тұрғын үйді нарық бағасынан төмен бағамен сатып алуға кепілдік берген.
Жәбірленушілердің сеніміне кіріп, олардан біріншісінде алдын ала 4,5 млн теңге, екіншісінде 3,5 млн теңге алған. Осыдан кейін алаяқ байланысын тоқтатқан.
Жедел-іздестіру іс-шаралары барысында полицейлер күдіктіні анықтап, 37 жастағы ер адамды ұстады. Күдікті кінәсін мойындады.
ҚР Қылмыстық кодексінің 190-бабы (Алаяқтық) бойынша қылмыстық іс қозғалды. Қазіргі уақытта тергеу амалдары жүргізілуде.
